വ്‌ലോഗര്‍മാര്‍ക്ക് സഹായകമാകുന്ന തരത്തിലുള്ള പുതിയ ഷോട്ട്ഗണ്‍ മൈക്ക് പുറത്തിറക്കിയിരിക്കുകയാണ് സോണി ഇന്ത്യ. കണ്ടന്റ് ക്രിയേറ്റര്‍മാര്‍ക്ക് എളുപ്പത്തില്‍ കൊണ്ടു നടക്കാന്‍ കഴിയുന്നതും ക്വാളിറ്റിയുള്ള ശബ്ദം റെക്കോര്‍ഡ് ചെയ്യാന്‍ സഹായിക്കുന്നതുമായ രീതിയിലാണ് ഇസിഎംജി വൺ എന്ന ഈ മോഡല്‍ തയ്യാറാക്കിയിരിക്കുന്നത്.
വ്‌ലോഗിങ്ങിനു മാത്രമല്ല ഇന്റര്‍വ്യൂ എടുക്കാനും ഇസിഎംജി വണ്‍ അനുയോജ്യമാണെന്നാണ് സോണി പറയുന്നത്. സെല്‍ഫി ഷൂട്ടിംഗിനും ഇത് അനുയോജ്യമാണ്. കെട്ടിടങ്ങള്‍ക്കുള്ളില്‍ മറ്റും ഷൂട്ട് ചെയ്യുമ്പോള്‍ ഉണ്ടായേക്കാവുന്ന ഇക്കോ കുറയ്ക്കാനും സഹായകമാണ്.
10,290 രൂപയാണ് ഇസിഎംജി വൺ മൈക്കിന്റെ വില. ഏത് പശ്ചാത്തലത്തില്‍ നിന്നുമുള്ള ബഹളം പരമാവധി നിയന്ത്രിച്ച് ഉപയോഗിക്കുന്ന ആളുടെ ശബ്ദം വേര്‍തിരിച്ചെടുക്കാന്‍ ഈ മൈക്കിന് കഴിയും.
വ്യക്തതയോടെ ശബ്ദം പിടിച്ചെടുക്കാന്‍ സഹായിക്കുമെന്നതാണ് ഈ മൈക്കിന്റെ മറ്റൊരു ഗുണം. സാധാരണ പുറത്ത് നിന്നുള്ള വീഡിയോ ഷൂട്ട് ചെയ്യുമ്പോള്‍ കാറ്റിന്റെയോ മറ്റെന്തെങ്കിലുമോ ശബ്ദം പതിയാറുണ്ട്. ഇത്തരം ശബ്ദങ്ങള്‍ കുറയ്ക്കാനുള്ള വിന്‍ഡ് ഷീല്‍ഡും സോണി ഉള്‍പ്പെടുത്തിയിട്ടുണ്ട്.
മൈക്കിലെ കേബിളുകൾക്കും പ്രത്യേകതയുണ്ട്. കേബിളിന്റെ ഉപയോഗവും വലിപ്പവും പരിമിതപ്പെടുത്തിയ രൂപകല്‍പ്പനയാണ് ഇതിലുള്ളത്. ഇവ കേബിളുകള്‍ വഴി സൃഷ്ടിക്കുന്ന അപശബ്ദങ്ങള്‍ ഒഴിവാക്കാന്‍ സഹായിക്കുന്നവയാണ്.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26