മരകാവ്: മാനന്തവാടി രൂപതയുടെ സുവർണ്ണ ജൂബിലി വർഷത്തോടനുബന്ധിച്ച് കെസിവൈഎം മാനന്തവാടി രൂപതയുടെ നേതൃത്വത്തിൽ സൗഹൃദ വടംവലി മത്സരം സംഘടിപ്പിച്ചു. കായിക കരുത്തിന്റെ മാസ്മരികത കൊണ്ട് മനുഷ്യ മനസ്സിൽ ആവേശം നിറച്ച കമ്പവലി മത്സരത്തിൽ 30 ടീമുകൾ പങ്കെടുത്തു. പുരുഷ വിഭാഗത്തിൽ എടപ്പെട്ടി യൂണിറ്റും, വനിതാ വിഭാഗത്തിൽ കുളിവയൽ യൂണിറ്റും ഒന്നാം സ്ഥാനം കരസ്ഥമാക്കി. പാലാങ്കര, ദീപ്തിഗിരി, കുറുമ്പാലക്കോട്ട, മരകാവ്, ചെറുക്കാട്ടൂർ യൂണിറ്റുകൾ മറ്റ് സ്ഥാനങ്ങൾക്ക് അർഹരായി. കെസിവൈഎം മുള്ളൻകൊല്ലി മേഖല ആതിഥേയത്വം വഹിച്ച മത്സരങ്ങൾ IRE വയനാട് ജില്ല വടംവലി അസോസിയേഷൻ നിയന്ത്രിച്ചു. കെസിവൈഎം മാനന്തവാടി രൂപതാ പ്രസിഡന്റ് റ്റിബിൻ വർഗീസ് പാറക്കൽ അധ്യക്ഷത വഹിച്ചു. മാനന്തവാടി രൂപത സുവർണ്ണ ജൂബിലി കൺവീനർ ഫാ. ബിജു മാവറ, ജോസ് പുഞ്ചയിൽ, ബത്തേരി ഫൊറോന വികാരി ഫാ.ജോസഫ് പരുവുമേൽ എന്നിവർ ആശംസകൾ അറിയിക്കുകയും സമ്മാനങ്ങൾ കൈമാറുകയും ചെയ്തു.
കെ.സി.വൈ.എം മാനന്തവാടി രൂപതാ വൈസ് പ്രസിഡന്റ് നയന മുണ്ടക്കത്തടത്തിൽ, സെക്രട്ടറിമാരായ അമൽഡ തൂപ്പുംകര, ലിബിൻ മേപ്പുറത്ത്, ട്രഷറർ അനിൽ സണ്ണി അമ്പലത്തിങ്കൽ, കോഡിനേറ്റർ ബ്രാവോ പുത്തൻപറമ്പിൽ, ഡയറക്ടർ ഫാ.അഗസ്റ്റിൻ ചിറക്കതോട്ടത്തിൽ, ആനിമേറ്റർ സി. സാലി സിഎംസി, രൂപതാ സിൻഡിക്കേറ്റ് അംഗങ്ങൾ, മുള്ളൻകൊല്ലി മേഖലാ പ്രസിഡന്റ് ഫെബിൻ കാക്കോനാൽ, ഡയറക്ടർ ഫാ.സാന്റോ അമ്പലത്തറ, മേഖലാ ഭാരവാഹികൾ, മരകാവ് യൂണിറ്റ് പ്രസിഡന്റ് അൻസാ തുണ്ടെൽ, ഡയറക്ടർ ഫാ.ജെയിംസ് പുത്തൻപറമ്പിൽ, മരകാവ് യൂണിറ്റ് ഭാരവാഹികൾ, കൈക്കാരന്മാർ എന്നിവർ നേതൃത്വം നൽകി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.