മാനന്തവാടി: മാനന്തവാടി സെന്റ് ജോസഫ്സ് മിഷൻ ഹോസ്പിറ്റലിൽ ഡയാലിസിസ് യൂണിറ്റ് ആരംഭിക്കുവാനുള്ള കെട്ടിടത്തിന്റെ തറക്കല്ലിടൽ മാനന്തവാടി രൂപതാധ്യക്ഷൻ അഭിവന്ദ്യ മാർ ജോസ് പൊരുന്നേടം പിതാവ് നിർവഹിച്ചു.
സുവർണ്ണ ജൂബിലിയിൽ ആയിരിക്കുന്ന മാനന്തവാടി രൂപത ജൂബിലി വർഷത്തിൽ പൂർത്തിയാക്കുവാൻ ഉദ്ദേശിക്കുന്ന വിവിധ പദ്ധതികളിൽ ഒന്നാണ് പ്രദേശവാസികൾക്ക് സൗജന്യമായി ഒരു ഡയാലിസിസ് യൂണിറ്റ്. മാനന്തവാടി രൂപതാ വികാരി ജനറാൾ ഫാദർ പോൾ മുണ്ടോളിക്കൽ, രൂപതാ പ്രൊക്കുറേറ്റർ ഫാദർ ബിജു പൊൻപാറ, രൂപതാ സുവർണ ജൂബിലി കൺവീനർ ഫാദർ ബിജു മാവറ, ബിഷപ്പ് ഹൗസിൽ നിന്നുള്ള വൈദികർ തുടങ്ങിയവർ സന്നിഹിതരായിരുന്നു.
മാനന്തവാടി പ്രദേശത്ത് ആരോഗ്യ രംഗത്ത് സ്തുത്യർഹമായ സേവനം ചെയ്യുന്ന സെന്റ് ജോസഫ് മിഷൻ ഹോസ്പിറ്റലിന് എത്രയും വേഗം ഡയാലിസിസ് യൂണിറ്റ് പ്രവർത്തന സജ്ജമാക്കാനും ഇനിയും ഒത്തിരിയേറെ മുന്നേറുവാനും സാധിക്കട്ടെയെന്ന് അഭിവന്ദ്യ മാർ ജോസ് പൊരുന്നേടം പിതാവ് ആശംസിച്ചു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.