ഭിന്നശേഷിക്കാരനായ സുരേഷ് ബാബുവിനും ഭാര്യ ശാന്തക്കും ഫൊക്കാനയുടെ കാരുണ്യം

ഭിന്നശേഷിക്കാരനായ സുരേഷ് ബാബുവും ഭാര്യ ശാന്തയും ഓരോ രാത്രിയും വെളുപ്പിച്ചിരുന്നത് സർവ്വ ദൈവങ്ങളെയും വിളിച്ചായിരുന്നു. കരിക്കകത്തെ പൊളിഞ്ഞു വീഴാറായ വീട്ടിൽ മാനം കറുക്കുമ്പോൾ അവരുടെ മുഖവും കറുക്കുമായിരുന്നു. എന്നാൽ ഇനി അവർക്ക് പേടിക്കാനില്ല.

അമേരിക്കൻ മലയാളികളുടെ സംഘടനയായ ഫൊക്കാന അവർക്ക് സ്വന്തമായി സുരക്ഷിതത്വമുള്ള ഒരു വീട് നിർമ്മിച്ചു നൽകി. ഡോ. ബാബു സ്റ്റീഫനും , സെക്രട്ടറി കല ഷഹിയും അതിന്റെ താക്കോൽ ദാനം നിർവഹിച്ചപ്പോൾ സുരേഷ് ബാബുവിനും ശാന്തക്കും അത് പുത്തൻ പ്രതീക്ഷയുടെയും സ്വപ്ന സാക്ഷാൽകാരത്തിന്റെയും നിമിഷങ്ങൾ ആയിരുന്നു.