ഈസ്റ്റ‍ർ ആഘോഷിച്ച് യുഎഇ പ്രവാസികളും

ദുബായ്:പ്രത്യാശയുടെ സന്ദേശമുള്‍ക്കൊണ്ട് പ്രവാസലോകത്തും ഈസ്റ്റർ ആഘോഷിച്ചു. യുഎഇയിലെ വിവിധ ദേവാലയങ്ങളില്‍ പ്രത്യേക പ്രാർത്ഥനകളും പാതിരാ കുർബാനയും നടന്നു. വിവിധ ദേവാലയങ്ങളില്‍ ഉയിർപ്പ് പ്രഖ്യാപനവും പളളിക്ക് പുറത്തുളള പ്രദക്ഷിണവും നടന്നു.

യുഎഇയില്‍ ഞായറാഴ്ച അവധിയായതിനാല്‍ ഇത്തവണ പ്രാർത്ഥനകളിലും ശനിയാഴ്ച വൈകീട്ട് നടന്ന പാതിരാ കുർബാനയിലും കൂടുതല്‍ പേർക്ക് പങ്കെടുക്കാന്‍ സാധിച്ചു. ഞായറാഴ്ച പൊതു അവധി ദിനമായതിന് ശേഷമെത്തുന്ന ആദ്യ ഈസ്റ്ററാണ് ഇത്തവണത്തേത്. ദേവാലയങ്ങള്‍ക്ക് പുറമെ വിവിധ ഇടങ്ങളിലും ഈസ്റ്ററുമായി ബന്ധപ്പെട്ട വിവിധ പരിപാടികള്‍ അരങ്ങേറി.

ദു​ബായ് സെന്‍റ് തോ​മ​സ് ഓ​ർ​ത്ത​ഡോ​ക്സ് ക​ത്തീ​ഡ്ര​ലി​ൽ കൊ​ച്ചി ഭ​ദ്രാ​സ​നാ​ധി​പ​ൻ ഡോ. ​യാ​ക്കൂ​ബ് മാ​ർ ഐ​റേ നി​യോ​സ് മെ​ത്രാ​പ്പോ​ലീ​ത്തയുടെ മുഖ്യ കാർമ്മികത്വത്തിലാണ് ഈസ്റ്റർ ശുശ്രൂഷകള്‍ നടന്നത്.ഷാ​ർ​ജ സെ​ന്‍റ്​ മേ​രീ​സ് യാ​ക്കോ​ബാ​യ സി​റി​യ​ൻ സൂ​നൊ​റോ പാ​ത്രി​യാ​ർ​ക്ക​ൽ ക​ത്തീ​ഡ്ര​ലി​ൽ എ​ബി​ൻ ഊ​മേ​ലി​ൽ, ഫാ. ​എ​ൽ​ദോ​സ് കാ​വാ​ട്ട്, ഫാ. ​ഏ​ലി​യാ​സ് മാ​ത്യു എ​ന്നി​വ​ർ നേ​തൃ​ത്വം ന​ല്കി. ഷാ​ര്‍ജ സെ​ന്‍റ്​ ഗ്രി​ഗോ​റി​യോ​സ് ഓ​ര്‍ത്ത​ഡോ​ക്‌​സ് പ​ള്ളി​യി​ല്‍ ഈ​സ്റ്റ​ര്‍ ശു​ശ്രൂ​ഷ​ക​ള്‍ക്ക് മ​ല​ങ്ക​ര ഓ​ര്‍ത്ത​ഡോ​ക്സ്​ സ​ഭ നി​ര​ണം ഭ​ദ്രാ​സ​നാ​ധി​പ​നും സു​ന്ന​ഹ​ദോ​സ് സെ​ക്ര​ട്ട​റി​യു​മാ​യ ഡോ. ​യൂ​ഹാ​നോ​ൻ മാ​ര്‍ ക്രി​സോ​സ്റ്റ​മോ​സ് മെ​ത്രാ​പ്പോ​ലീ​ത്ത മു​ഖ്യ കാ​ർ​മി​ക​ത്വം വ​ഹി​ച്ചു.

അ​ബൂ​ദ​ബി സെ​ന്‍റ്​ ജോ​ർ​ജ് ഓ​ർ​ത്ത​ഡോ​ക്​​സ്‌ ക​ത്തീ​ഡ്ര​ലി​ൽ പ്രാ​ർ​ഥ​നാ ശു​ശ്രൂ​ഷ​ക​ൾ​ക്ക് ക​ത്തീ​ഡ്ര​ൽ വി​കാ​രി എ​ൽ​ദോ എം. ​പോ​ൾ നേതൃത്വം നല്‍കി.അ​ബുദ​ബി സെൻറ് സ്റ്റീ​ഫ​ൻ യാ​ക്കോ​ബാ​യ സു​റി​യാ​നി പ​ള്ളി​യി​ൽ ഈ​സ്റ്റ​ർ ശു​ശ്രൂ​ഷ​ക​ൾ​ക്ക് ഫാ. ​ടി​ജു വ​ർ​ഗീ​സ് മു​ഖ്യ കാ​ർ​മി​ക​ത്വം വ​ഹി​ച്ചു.മു​സ​ഫ സെ​ന്‍റ്​ പോ​ൾ​സ് കാ​ത്ത​ലി​ക് പ​ള്ളി​യി​ൽ ഉ​യി​ർ​പ്പ് തി​രു​ന്നാ​ളി​ന്​ ഫാ. ​ടോം ജോ​സ​ഫ്​ മു​ഖ്യ​കാ​ർ​മി​ക​ത്വം വ​ഹി​ച്ചു.