മാനന്തവാടി: കെ.സി.വൈ.എം സംസ്ഥാന സമിതിയുടെ ലഹരിവിരുദ്ധ പ്രവർത്തനങ്ങളോട് ചേർന്ന് നിന്നുകൊണ്ട് കെ.സി.വൈ.എം മാനന്തവാടി രൂപതയുടെ "ലഹരി വിമുക്ത യൗവ്വനം" എന്ന ഉപവിഷയത്തെ അടിസ്ഥാനമാക്കി ജൂൺ 25 മുതൽ ജൂലൈ 25 വരെയുള്ള ഒരു മാസം കെ.സി.വൈ.എം മാനന്തവാടി രൂപത സംഘടിപ്പിക്കുന്ന ലഹരി വിരുദ്ധ ക്യാമ്പയിൻ രൂപതാതല ഉദ്ഘാടനം കെ.സി.വൈ.എം. ദ്വാരക മേഖലയുടെ ആതിഥേയത്വത്തിൽ മൊതക്കര യൂണിറ്റിൽവെച്ച് നടത്തപ്പെട്ടു. ഇടവക കൈക്കാരൻ ശ്രീ.ജോസ് തേക്കനാൽ സ്വാഗതം ആശംസിച്ചു. കെ.സി.വൈ.എം മാനന്തവാടി രൂപതാ ഡയറക്ടർ ഫാ.സാന്റോ അമ്പലത്തറ ക്യാമ്പയിൻ ഉദ്ഘാടനം ചെയ്ത് ലഹരി വിരുദ്ധ പ്രതിജ്ഞ ചൊല്ലി കൊടുത്തു. യൂണിറ്റ് പ്രസിഡന്റ് ശ്രീ.ജോയൽ തേക്കനാൽ ലഹരി വിരുദ്ധ ഒപ്പ് ശേഖരണത്തിന് തുടക്കം കുറിച്ചു. യൂണിറ്റ് അംഗം അരുൺ മറ്റത്തിൽ നന്ദി അർപ്പിച്ച് സംസാരിച്ചു. രൂപതാ ജനറൽ സെക്രട്ടറി അഭിനന്ദ് കൊച്ചുമലയിൽ, ട്രഷറർ ബിബിൻ പിലാപ്പിള്ളിൽ, ആനിമേറ്റർ സി. ബെൻസി ജോസ് എസ്.എച്ച്. ദ്വാരക മേഖല പ്രസിഡന്റ് ശ്രീ.അജയ് മുണ്ടയ്ക്കൽ, യൂണിറ്റ് ഭാരവാഹികൾ ഇടവകാംഗങ്ങൾ തുടങ്ങിയവർ സന്നിഹിതരായിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.