ഒമാനില്‍ കനത്ത മഴ തുടരുന്നു

മസ്കറ്റ്:ഒമാന്‍റെ വിവിധ ഭാഗങ്ങളില്‍ കനത്ത മഴ തുടരുന്നു. കനത്ത കാറ്റും മഴയും പ്രതീക്ഷിക്കാമെന്ന് കാലാവസ്ഥ നിരീക്ഷണകേന്ദ്രം നേരത്തെ മുന്നറിയിപ്പ് നല്‍കിയിരുന്നു. ഇടിയും മിന്നലും ഒപ്പം കാറ്റോടും കൂടിയ മഴയാണ് പലയിടങ്ങളിലും പെയ്യുന്നത്.എവിടെയും അനിഷ്ട സംഭവങ്ങള്‍ റിപ്പോർട്ട് ചെയ്തിട്ടില്ല.

പലയിടങ്ങളിലും വാദികള്‍ നിറഞ്ഞൊഴുകാന്‍ സാധ്യതയുളളതിനാല്‍ നിവാസികള്‍ ജാഗ്രതപാലിക്കണം. ദാ​ഹി​റ, ദാ​ഖി​ലി​യ, തെ​ക്ക് -വ​ട​ക്ക് ബാ​ത്തി​ന, ബു​റൈ​മി, തെ​ക്ക്-​വ​ട​ക്ക് ശ​ര്‍ഖി​യ ഗ​വ​ര്‍ണ​റേ​റ്റു​ക​ളി​ല്‍ മ​ഴ ല​ഭി​ക്കുമെന്ന് മുന്നറിയിപ്പുണ്ട്. ദി​മ, മു​ദൈ​ബി, ദോ​ഫാ​റി​ലെ ജ​ബ​ല്‍ പ്ര​ദേ​ശ​ങ്ങ​ള്‍, ഇ​ബ്രി, മ​ഹ്ദ തു​ട​ങ്ങി​യ സ്ഥലങ്ങളില്‍ സാമാന്യം ഭേദപ്പെട്ട മഴയാണ് ലഭിച്ചത്.