ജെ കെ റൗളിംഗ് ഒപ്പിട്ട ഹാരി പോട്ടർ പുസ്തകം വിൽപ്പനക്ക് വെച്ച് സെർസുറ റെയർ ബുക്‌സ്

ഷാ​ർ​ജ: അ​ക്ഷ​ര​ങ്ങ​ളെ സ്​​നേ​ഹി​ക്കു​ന്ന​വ​ർ ലോ​ക​ത്തി​ൻറെ വി​വി​ധ ഭാ​ഗ​ങ്ങ​ളി​ൽ​നി​ന്ന്​ ഒ​ഴു​കി​യെ​ത്തി​യ ഷാ​ർ​ജ അ​ന്താ​രാ​ഷ്ട്ര പു​സ്ത​കോ​ത്സ​വ​ത്തി​ന് സ​ന്ദ​ർ​ശ​ക പ്ര​വാ​ഹം. മു​ൻ വ​ർ​ഷ​ങ്ങ​ളി​ലേ​തി​ന്​ സ​മാ​ന​മാ​യി വി​വി​ധ വേ​ദി​ക​ളി​ൽ പ​രി​പാ​ടി​ക​ളും പു​സ്ത​ക പ്ര​കാ​ശ​ന​ങ്ങ​ളും വ്യാ​ഴാ​ഴ്ച മു​ത​ൽ​ത​ന്നെ സ​ജീ​വ​മാ​യി​ട്ടു​ണ്ട്.

എഴുത്തുകാരൻ ജെ കെ റൗളിംഗ് ഒപ്പിട്ട ഹാരി പോട്ടറിലെ രണ്ടാമത്തെ നോവലായ ഹാരി പോട്ടർ ആൻഡ് ചേംബർ ഓഫ് സീക്രട്ട്‌സിന്റെ അപൂർവ്വ പതിപ്പ് ഷാർജ പുസ്തകോത്സവത്തിൽ വിൽപ്പനക്ക് വെച്ച് ദുബായ് ആസ്ഥാനമായുള്ള സെർസുറ റെയർ ബുക്സ്. ഈ ഫെസ്റ്റിവലിൽ നിങ്ങൾക്ക് കണ്ടെത്താനാകുന്ന കുട്ടികൾക്കുള്ള ഏറ്റവും ചെലവേറിയ നോവലാണിതെന്ന് സെർസുറ റെയർ ബുക്‌സിന്റെ ഉടമ അലക്‌സ് വാറൻ പറഞ്ഞു. ഹാരി പോട്ടർ പരമ്പരയിലെ രണ്ടാമത്തെ നോവലായ ഹാരി പോട്ടർ ആൻഡ് ചേംബർ ഓഫ് സീക്രട്ട്സിന്റെ 1998 പതിപ്പ് പിന്നീട് സിനിമയായി മാറിയിരുന്നു.

ഇത് കൂടാതെ പൗലോ കൊയ്‌ലോയുടെ ദി ആൽക്കെമിസ്റ്റ് (1983), അഗത ക്രിസ്റ്റീസ് ക്യാറ്റ് എമങ് ദി പിജിയൺസ് (1959), വ്‌ളാഡിമിർ നബോക്കോവ്‌ലി, ഇന്ത്യൻ എഴുത്തുകാരി അരുന്ധതി റോയിയുടെ 1997 ലെ ബുക്കർ പ്രൈസ് നേടിയ ഗോഡ് ഓഫ് സ്മോൾ തിംഗ്സിന്റെ ആദ്യ കോപ്പി തുടങ്ങിയ ഒന്നനവധി പുസ്തകങ്ങളും വിൽപ്പനയ്ക്ക് വെച്ചിട്ടുണ്ട്.