ദുബായ്: പൊതുഗതാഗത ശൃംഖലയിൽ ദുബായ് ലോക റെക്കോർഡ് സ്വന്തമാക്കാൻ ഒരുങ്ങുന്നു. ലോകത്തിലെ ഏറ്റവും ഉയരം കൂടിയ മെട്രോ സ്റ്റേഷൻ ദുബായിൽ യാഥാർഥ്യമാകാൻ പോകുകയാണ്. പുതുതായി ഉദ്ഘാടനം ചെയ്ത ദുബായ് മെട്രോ ബ്ലൂ ലൈനിന്റെ ഭാഗമായി 74 മീറ്റർ ഉയരത്തിൽ ഈ മെട്രോ സ്റ്റേഷൻ ഉടൻ തന്നെ ദുബായ്‌യുടെ ഗതാഗത മേഖലയിൽ വൻ വികസനം തന്നെ സൃഷ്ടിക്കും.
ജൂൺ ഒമ്പതിന് യുഎഇ വൈസ് പ്രസിഡന്റും പ്രധാനമന്ത്രിയും ദുബായ് ഭരണാധികാരിയുമായ ഹിസ് ഹൈനസ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം ദുബായ് മെട്രോ ബ്ലൂ ലൈനിന്റെ ആദ്യ സ്റ്റേഷന് ഔദ്യോഗികമായി തറക്കല്ലിട്ടത്തോടെ ഇനി വരാനിരിക്കുന്നത് ലോകോത്തര വികസനങ്ങളാണ്.
കൂടാതെ നഗരത്തിലെ ഗതാഗത വികസനം ഉയർത്തുക എന്നത് മാത്രമല്ല ലോകത്തിലെ ഏറ്റവും ഉയരം കൂടിയ മെട്രോ സ്റ്റേഷൻ എന്ന റെക്കോഡാണ് ഇവിടെ ലക്ഷ്യത്തിലേക്ക് എത്തുന്നത്. അമേരിക്കൻ വാസ്തുവിദ്യാ സ്ഥാപനമായ സ്കിഡ്മോർ, ഓവിംഗ്സ് & മെറിൽ ആണ് മെട്രോ സ്റ്റേഷൻ രൂപകൽപ്പന ചെയ്തിരിക്കുന്നത്.
ഈ സ്റ്റേഷൻ ഭാവിയിലേക്കുള്ള ഒരു ആധുനിക കവാടമാണ് എന്നും ദുബായിയുടെ നഗര വികസന ഭാവിയിലേക്കുള്ള കാഴ്ചപ്പാടിനും അനുസൃതമായി ക്രോസിംഗ് ഗേറ്റ്‌വേ എന്ന ആശയത്തിൽ നിന്ന് പ്രചോദനം ഉൾക്കൊണ്ടാണ് ഇതിന്റെ ശ്രദ്ധേയമായ വാസ്തുവിദ്യ നിർമിച്ചിരിക്കുന്നതെന്നും അദേഹം വ്യക്തമാക്കി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.