മുംബൈ: കേരളത്തില് കപ്പല് നിര്മ്മാണ പദ്ധതിക്കായി ടാറ്റ ഗ്രൂപ്പ് ഒരുങ്ങുന്നതായുള്ള മുഖ്യമന്ത്രി വിഡി സതീശന്റെ അവകാശവാദം തള്ളി കമ്പനി.
സംസ്ഥാനത്ത് കപ്പല് നിര്മ്മാണ സംരംഭത്തില് 10,000 കോടി രൂപ നിക്ഷേപിക്കാന് ടാറ്റ ഗ്രൂപ്പ് പദ്ധതിയിടുന്നതായും ഇതുമായി ബന്ധപ്പെട്ട അനുമതിക്കായി ടാറ്റ ഗ്രൂപ്പ് അപേക്ഷ നല്കിയതായും ബ്ലൂംബെര്ഗിന് നല്കിയ അഭിമുഖത്തില് വി.ഡി സതീശന് പറഞ്ഞിരുന്നു. പിന്നീട് നടന്ന ഒരു സെമിനാറിലും അദേഹം ഇക്കാര്യം ആവര്ത്തിച്ചു.
എന്നാല് ദക്ഷിണേന്ത്യയിലോ മറ്റെവിടെയെങ്കിലുമോ ഇങ്ങനെയൊരു പദ്ധതി ആലോചനയിലില്ലെന്ന് ടാറ്റ ഗ്രൂപ്പ് വക്താവ് വ്യക്തമാക്കിയതായി ദേശീയ മാധ്യമങ്ങള് റിപ്പോര്ട്ട് ചെയ്തു. ഇത്തരമൊരു പദ്ധതിയെ കുറിച്ച് തങ്ങള്ക്ക് അറിയില്ലെന്നാണ് ടാറ്റ ഗ്രൂപ്പിന്റെ വിശദീകരണം.
ബ്ലൂംബെര്ഗ് അഭിമുഖത്തിന്റെ വിഡിയോ കണ്ടു. മുഖ്യമന്ത്രി എന്താണ് പറഞ്ഞതെന്നറിയില്ല. അദേഹത്തിന് ഇക്കാര്യത്തില് വ്യക്തമായ അറിവില്ലാത്തതാവാം ഇങ്ങനെ പറയാന് കാരണം. മുഖ്യമന്ത്രി പറയാന് ഉദ്ദേശിച്ച കാര്യമണോ ഇതെന്ന് സംശയമുണ്ടെന്നും ടാറ്റ ഗ്രൂപ്പ് അധികൃതര് വ്യക്തമാക്കി.
കേരളത്തില് കപ്പല് നിര്മ്മാണ സംരംഭത്തില് 10,000 കോടി രൂപ നിക്ഷേപിക്കാന് ടാറ്റ ഗ്രൂപ്പില് നിന്ന് അപേക്ഷ കിട്ടിയെന്നാണ് മുഖ്യമന്ത്രി അഭിമുഖത്തില് പറഞ്ഞത്. അപേക്ഷ വിശദമായി പരിശോധിച്ച ശേഷം സര്ക്കാര് തീരുമാനമെടുക്കും.
തുടര്ന്ന് കപ്പല് നിര്മ്മാണത്തിന് ആവശ്യമായ സ്ഥലം അനുവദിക്കും. ടാറ്റ ഗ്രൂപ്പിന്റെ നിര്ദേശത്തെ സംസ്ഥാന സര്ക്കാര് അനുകൂലമായാണ് കാണുന്നത്. ഒരു മാസത്തിനകം ഇതിന് അംഗീകാരം നല്കാന് കഴിയുമെന്ന് പ്രതീക്ഷിക്കുന്നതായും വി ഡി സതീശന് പറഞ്ഞിരുന്നു.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.