കുഞ്ഞുങ്ങളുടെ വളര്‍ച്ചയില്‍ പ്രധാന പങ്കു വഹിയ്ക്കുന്നവരാണ് മുതിര്‍ന്നവര്‍. കുട്ടികളോടുള്ള പെരുമാറ്റത്തിലും സംസാരത്തിലും ഏറെ ശ്രദ്ധ ഇതു കൊണ്ടു തന്നെ അത്യാവശ്യവുമാണ്. കുട്ടികളെ നന്നാക്കുക എന്ന ഉദ്ദേശ്യത്തോടെ, തെറ്റുകള്‍ കാണുമ്പോള്‍ ശിക്ഷിയ്ക്കുന്ന ശീലമുണ്ട്. ഇതിന് ചിലരെങ്കിലും അടിയും ചീത്ത വിളിയുമാണ് ശിക്ഷാവിധികളായി സ്വീകരിയ്ക്കാറ്.
കുട്ടികള്‍ തെറ്റു ചെയ്താല്‍
കുട്ടികള്‍ തെറ്റു ചെയ്താല്‍ അവരെ ശിക്ഷിയ്ക്കാനുളള ഒരു വഴി അവര്‍ക്കിഷ്ടമുള്ള കാര്യങ്ങളില്‍ നിന്നും ഇവര്‍ക്ക് വിലക്കേര്‍പ്പെടുത്തുകയെന്നതാണ്. ഉദാഹരണമായി ഹോം വര്‍ക് ചെയ്തിട്ടില്ലെങ്കില്‍ ടിവി കാണുന്ന, അല്ലെങ്കില്‍ കളിയ്ക്കുന്ന സമയം കുറയ്ക്കുക. ഇതു പോലെ ഹോം വര്‍ക്ക് ചെയ്യാത്തതിന്റെ പേരില്‍ സ്‌കൂളില്‍ നിന്നും ശിക്ഷ കിട്ടിയാല്‍ കുട്ടിക്ക് അനുകൂലമായി നില്‍ക്കാതെ ഇത് അര്‍ഹിയ്ക്കുന്നതാണെന്ന മട്ടില്‍ പ്രതികരിയ്ക്കുക.
തെറ്റുകള്‍ ചെയ്താല്‍
തെറ്റുകള്‍ ചെയ്താല്‍ പേടിപ്പിക്കുന്ന രീതിയിലെ സംസാരങ്ങള്‍ പലര്‍ക്കുമുള്ള പതിവാണ്. അതായത് മൂത്തവരെ ചവിട്ടിയാല്‍ കാല്‍ പഴുക്കും പോലുള്ള രീതിയിലെ സംസാരം. ഇത് തെറ്റാണെന്ന് കുറച്ചു കഴിയുമ്പോള്‍ കുട്ടികള്‍ക്ക് മനസിലാകും. പിന്നെ അവരതിനെ വക വയ്ക്കുകയും ഇല്ല. പകരം ഇഷ്ടപ്പെട്ട കാര്യങ്ങളില്‍ വിലക്കേര്‍പ്പെടുത്തുക പോലുള്ള രീതികള്‍ സ്വീകരിയ്ക്കാം. അതല്ലാതെ തെറ്റു ചെയ്താല്‍ വീട്ടുജോലി ചെയ്യിക്കുക, പഠിയ്ക്കാന്‍ പറയുക എന്നിവ ചെയ്യിപ്പിച്ചാല്‍ ഇത് ശിക്ഷയായി കുട്ടികളുടെ മനസില്‍ കിടക്കും. ഇത് ശരിയല്ല
കുട്ടികളുടെ ഭാഗത്ത് നിന്നും പിഴവുണ്ടായാല്‍
കുട്ടികളുടെ ഭാഗത്ത് നിന്നും പിഴവുണ്ടായാല്‍ അത് കുട്ടികളുടെ ഉത്തരവാദിത്വമെന്ന മട്ടിലെ പെരുമാറ്റം വേണം. അല്ലെങ്കില്‍ ചെയ്തതു തെറ്റാണെന്ന് കുട്ടിക്ക് ബോധ്യം വരില്ല. ഉദാഹരണമായി കുട്ടികള്‍ നടക്കുമ്പോള്‍ കാലുകള്‍ എവിടെയെങ്കിലും തട്ടിയാലോ വീണാലോ ആ വസ്തുവിനെ തല്ലി കുട്ടിയെ സമാധാനിപ്പിയ്ക്കുന്നതാണ് പലരുടേയും പതിവ്. ഇതിലൂടെ തന്റേതല്ല കുറ്റമെന്ന തോന്നല്‍ കുട്ടിയ്ക്കുണ്ടാകും. മറിച്ച് കുട്ടി നടന്നതിന്റെ പ്രശ്നമാണെന്ന രീതിയിലെ തോന്നലുണ്ടാക്കും വിധം പെരുമാറുക.
മറ്റുള്ളവരുടെ മുന്നില്‍ വച്ച്
മറ്റുള്ളവരുടെ മുന്നില്‍ വച്ച്, പ്രത്യേകിച്ചും പുറമേ നിന്നുള്ള ഒരാളുടെ മുന്നില്‍ വച്ച് കുട്ടിയെ താഴ്ത്തി സംസാരിക്കുകയോ വഴക്ക് പറയുകയോ അരുത്. ഇത് കുട്ടിക്ക് മാനസികമായി ബുദ്ധിമുട്ടുണ്ടാക്കും. പല മാതാപിതാക്കളും ശിക്ഷയായി കുട്ടികളോട് മിണ്ടാതിരിയ്ക്കും. അല്ലെങ്കില്‍ ഉറക്കെ നന്നാകില്ല രീതിയില്‍ ചീത്ത പറയും. ഇതു രണ്ടും തെറ്റായ പ്രവണതയാണ്. പകരം ശാന്തമായ രീതിയില്‍ കുട്ടിയെ പറഞ്ഞ് മനസിലാക്കുന്നതാണ് കൂടുതല്‍ നല്ലത്.
കുട്ടികളുടെ മുന്നില്‍ മാതൃകയാകാന്‍ മാതാപിതാക്കള്‍ ശ്രദ്ധിയ്ക്കുക. അതല്ലാതെ തങ്ങള്‍ ചെയ്യുന്ന തെറ്റ് കുട്ടി ചെയ്യുമ്പോള്‍ സ്വയമായി ന്യായീകരിക്കുകയും കുട്ടിയെ കുറ്റപ്പെടുത്തുകയും ചെയ്യരുത്. എപ്പോഴും മൊബൈലില്‍ മുഖം പൂഴ്ത്തിയിരിയ്ക്കുന്ന മാതാപിതാക്കള്‍ കുട്ടി മൊബൈലില്‍ കളിക്കുമ്പോള്‍ ചോദ്യം ചെയ്യുന്നത് കുട്ടിയുടെ മനസില്‍ തെറ്റായ ധാരണകളേ വളര്‍ത്തൂ. പകരം ആവശ്യത്തിനാണ് മൊബൈല്‍ തങ്ങള്‍ നോക്കുന്നതെന്ന ബോധ്യം കുട്ടിയ്ക്കുണ്ടാകാന്‍ വിധത്തില്‍ പെരുമാറുക.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.