ഗവര്‍ണറുമായുള്ള പോരിനിടെ സിപിഎം സംസ്ഥാന നേതൃ യോഗങ്ങള്‍ ഇന്ന് തുടങ്ങും

തി​രു​വ​ന​ന്ത​പു​രം: ഗ​വ​ര്‍ണ​ര്‍-​സ​ർ​ക്കാ​ർ പോ​ര്​ രൂ​ക്ഷ​മാ​യി തു​ട​രു​ന്ന​തി​നി​ടെ സിപിഎം സംസ്ഥാന നേതൃ യോഗങ്ങള്‍ക്ക്‌ ഇന്ന് തുടക്കമിടും. ഇന്നും നാളെയുമാണ് യോഗങ്ങൾ. ഗവർണർക്കെതിരെയുള്ള രാഷ്ട്രിയവും നിയമപരവുമായ പ്രതിരോധങ്ങൾ ശക്തമാക്കുന്നതിനെക്കുറിച്ചാകും പ്രധാന ചർച്ചകൾ. 

ഗ​വ​ർ​ണ​ർ​ക്കെ​തി​രാ​യ സ​മ​ര​ത്തി​ന്‍റെ ഭാ​ഗ​മാ​യി ഗ​വ​ർ​ണ​റു​ടെ ന​ട​പ​ടി​ക​ൾ തു​റ​ന്നു​കാ​ട്ടി മു​ഴു​വ​ന്‍ വീ​ടു​ക​ളി​ലും പ്ര​ചാ​ര​ണം ന​ട​ത്താ​നാ​ണ് ഇടതുമു​ന്ന​ണി തീ​രു​മാ​നം. ഈ ​മാ​സം 10 വ​രെ ജി​ല്ല ത​ല​ങ്ങ​ളി​ല്‍ 3000 പേ​രെ വീ​തം പ​ങ്കെ​ടു​പ്പി​ച്ച് ക​ണ്‍വെ​ന്‍ഷ​നു​ക​ൾ ന​ട​ത്തും. പ​ത്ത്​ മു​ത​ല്‍ 14 വ​രെ വീ​ടു​ക​ളി​ൽ ല​ഘു​ലേ​ഖ എ​ത്തി​ക്കും. 10 മു​ത​ല്‍ 12 വ​രെ മു​ഴു​വ​ന്‍ കാ​മ്പ​സു​ക​ളി​ലും പ്ര​തി​ഷേ​ധ കൂ​ട്ടാ​യ്‍മ​യു​ണ്ടാ​വും. 15നാണ് ​ഒ​രു​ല​ക്ഷം പേ​ര്‍ പ​ങ്കെ​ടു​ക്കു​ന്ന രാ​ജ്ഭ​വ​ന്‍ ഉ​പ​രോ​ധം.

ഈ ​വി​ഷ​യ​ത്തി​ൽ സിപിഎം കേ​ന്ദ്ര നേ​തൃ​യോ​ഗ​ങ്ങ​ളി​ൽ കൈ​ക്കൊ​ണ്ട നി​ല​പാ​ടു​ക​ൾ സം​സ്ഥാ​ന യോ​ഗ​ത്തി​ൽ റി​പ്പോ​ർ​ട്ട്​ ചെ​യ്യും.

അ​​തേ​സ​മ​യം ഗ​വ​ർ​ണ​ർ​ക്ക്​ പി​ന്തു​ണ​യുമായി ബിജെപി നേ​തൃ​ത്വം രംഗത്തുണ്ട്. കേ​ന്ദ്ര​മ​ന്ത്രി വി. ​മു​ര​ളീ​ധ​ര​ൻ, ബിജെപി സം​സ്ഥാ​ന പ്ര​സി​ഡ​ന്‍റ്​ കെ.സു​രേ​ന്ദ്ര​ൻ, ദേ​ശീ​യ നി​ർ​വാ​ഹ​ക​സ​മി​തി അം​ഗം പി.​കെ. കൃ​ഷ്ണ​ദാ​സ്​ തു​ട​ങ്ങി​യ​വ​രു​ടെ പ്ര​തി​ക​ര​ണ​ങ്ങ​ൾ ഇ​തി​ന്‍റെ ഭാ​ഗ​മാ​ണ്. ഗ​വ​ര്‍ണ​റെ വേ​ട്ട​യാ​ടാ​ൻ വി​ട്ടു​കൊ​ടു​ക്കി​ല്ലെ​ന്നാ​ണ്​ നി​ല​പാ​ട്. ഗ​വ​ർ​ണ​ർ​ക്ക്​ അ​നൂ​കൂ​ല​മാ​യി പ്ര​ചാ​ര​ണം ന​ട​ത്താ​നും​ ബി.​ജെ.​പി ഒ​രു​ങ്ങു​ന്നു.

രാ​ജ്​​ഭ​വ​നി​ലേ​ക്ക്​ എ​ൽഡിഎ​ഫ്​ മാ​ർ​ച്ചും ഉ​പ​രോ​ധ​വു​മ​ട​ക്ക​മു​ള്ള ​പ്ര​തി​ഷേ​ധം ഉ​യ​ർ​ത്തു​​മ്പോ​ൾ സെ​ക്ര​ട്ടേ​റി​യ​റ്റിലേക്ക് ഉ​ൾ​പ്പെ​ടെ ഗ​വ​ർ​ണ​ർ അ​നു​കൂ​ല പ്ര​ക​ട​ന​ങ്ങ​ൾ ന​ട​ത്താ​നാ​ണ്​ ബിജെപി​യും പോ​ഷ​ക​സം​ഘ​ട​ന​ക​ളും ല​ക്ഷ്യ​മി​ടു​ന്ന​ത്.