അബുദാബി: യുഎഇയില്‍ ശൈത്യകാല രോഗങ്ങള്‍ റിപ്പോർട്ട് ചെയ്യുന്നതില്‍ ഗണ്യമായ കുറവ് രേഖപ്പെടുത്തിയതായി ഡോക്ടർമാർ. ദിനം പ്രതി റിപ്പോർട്ട് ചെയ്യുന്ന കോവിഡ് കേസുകളുടെ എണ്ണത്തില്‍ കുറവില്ലെങ്കിലും ശൈത്യകാലത്ത് സാധാരണയായി കണ്ടുവരാറുളള മറ്റ് രോഗബാധകള്‍ കുറഞ്ഞതായാണ് കണക്കുകള്‍. കോവിഡ് മുന്‍കരുതല്‍ നടപടികളായിരിക്കാം ഇതിന് കാരണമെന്നാണ് വിലയിരുത്തല്‍.പനി, ശ്വാസകോശ സംബന്ധമായ അസുഖങ്ങള്‍ തുടങ്ങിയവ കുറഞ്ഞു. മുഖാവരണം ധരിക്കുക, സാമൂഹിക അകലം പാലിക്കുക, ഇവയും വീട്ടിലിരുന്നുളള ജോലിയും പഠനവുമെല്ലാം ഇതിന് സഹായകരമായെന്നും ഡോക്ടർമാർ അഭിപ്രായപ്പെടുന്നു.
ബുധനാഴ്ചയും ആയിരം കടന്ന് പുതിയ കോവിഡ് കേസുകള്‍. യുഎഇയില്‍ ബുധനാഴ്ച 1278 പേരില്‍ കോവിഡ് 19 റിപ്പോർട്ട് ചെയ്തു. 144174 കോവിഡ് ടെസ്റ്റ് നടത്തിയതില്‍ നിന്നാണ് ഇത്രയും പേർക്ക് രോഗബാധ സ്ഥിരീകരിച്ചത്. 726 പേർ രോഗമുക്തി നേടി. നാല് മരണവും റിപ്പോർട്ട് ചെയ്തു. രാജ്യത്തെ ആകെ കോവിഡ് രോഗികള്‍ 188545 ആണ്. രോഗമുക്തർ 165749. ആകെ മരണം 626
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള്‍ സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്‌ളീല പദപ്രയോഗങ്ങളും ദയവായി ഒഴിവാക്കുക.