അഹമ്മദാബാദ്: ട്വന്റി 20 ലോകകപ്പ് ഫൈനലില് ഇന്ത്യ ആദ്യം ബാറ്റ് ചെയ്യും. ടോസ് നേടിയ ന്യൂസിലന്ഡ് ഫീല്ഡിങ് തിരഞ്ഞെടുക്കുകയായിരുന്നു. അഹമ്മദാബാദിലെ നരേന്ദ്ര മോഡി സ്റ്റേഡിയത്തിലാണ് ഫൈനല് മത്സരം നടക്കുന്നത്. മൂന്നാം ടി 20 ലോക കിരീടം ലക്ഷ്യമിട്ടാണ് ഇന്ത്യന് ടീം കളത്തിലിറങ്ങുന്നത്.
ടീമില് മാറ്റങ്ങള് ഒന്നുമില്ല. മലയാളി സൂപ്പര് താരം സഞ്ജു സാംസണിന്റെ വെടിക്കെട്ട് ഇന്നിങ്സിലാണ് ക്രിക്കറ്റ് പ്രേമികളുടെ പ്രതീക്ഷ. കഴിഞ്ഞ രണ്ട് മത്സരങ്ങളിലും ഇന്ത്യന് ഇന്നിങ്സിന് ചുക്കാന് പിടിച്ച സഞ്ജുവില് നിന്നും കലാശപ്പോരാട്ടത്തിലും സമാന ബാറ്റിങ് പ്രകടനം ഉണ്ടാകുമെന്നാണ് ആരാധകരുടെ പ്രതീക്ഷ.
ട്വന്റി 20 ലോകകപ്പിലെ കന്നിക്കിരീടം ലക്ഷ്യമിട്ടാണ് ന്യൂസിലന്ഡ് ഫൈനലിന് ഇറങ്ങുന്നത്. മിച്ചല് സാന്റ്നറാണ് കിവീസ് നായകന്. സന്തുലിത ടീമുമായിട്ടാണ് കിവീസ് പോരിനിറങ്ങുന്നത്. പരാജയമറിയാതെ വന്ന ദക്ഷിണാഫ്രിക്കയെയാണ് സെമിയില് ന്യൂസിലന്ഡ് തോല്പ്പിച്ചത്. മത്സരത്തിന്റെ ഗതി മാറ്റിമറിക്കാന് കെല്പ്പുള്ള താരങ്ങള് ടീമില് ഉള്ളതാണ് ന്യൂസിലന്ഡിന്റെ ശക്തി.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.