ദൃശ്യ വിസ്മയങ്ങളുടെയും അനേകം സാധ്യതകളുടെയും അത്ഭുത ലോകമാണ് സിനിമ. ഒരേസമയം മനുഷ്യ മനസുകളെ സ്വാധീനിക്കാനും സമൂഹത്തിന്റെ ചിന്താഗതികളെപ്പോലും മാറ്റിമറിക്കാനും ഇതിലും മികച്ചൊരു ജനപ്രിയ കലാരൂപം വേറെയില്ല. എന്നാല്, കേവലമൊരു വിനോദോപാധി എന്നതിനപ്പുറം നന്മയുടെയും മാനവിക മൂല്യങ്ങളുടെയും സുവിശേഷവല്ക്കരണത്തിന്റെയും ഉത്തമ ഉപാധിയായി സിനിമയെ എങ്ങനെ മാറ്റിയെടുക്കാം? ഈ പ്രസക്തമായ ചോദ്യത്തിനുള്ള ആഴമേറിയ ഉത്തരമാണ് തങ്കച്ചന് തുണ്ടിയിലും ഡോ. ലിസി കെ. ഫെര്ണാണ്ടസും ചേര്ന്ന് രചിച്ച 'സിനിമ സാധ്യതകളുടെ ലോകം' എന്ന പുസ്തകം. പാലാ ദീപനാളം പബ്ലിക്കേഷന്സ് പുറത്തിറക്കിയ ഈ കൃതി, ദൃശ്യ മാധ്യമങ്ങളെ പുതിയൊരു വീക്ഷണകോണിലൂടെ നോക്കിക്കാണാന് വായനക്കാരെ പ്രേരിപ്പിക്കുന്ന ഒന്നാണ്.
മാര്പാപ്പമാരുടെ ദര്ശനങ്ങളും നവ മാധ്യമങ്ങളും
പതിനൊന്ന് അധ്യായങ്ങളിലായി ക്രമീകരിച്ചിരിക്കുന്ന ഈ പുസ്തകം സിനിമയുടെ വിശാലമായ ലോകത്തെയും അതിന്റെ നേര്ക്കാഴ്ചകളെയും കൃത്യമായി അടയാളപ്പെടുത്തുന്നു. കത്തോലിക്കാ സഭയിലെ മാര്പാപ്പമാരുടെ പ്രബോധനങ്ങളെയും ആഹ്വാനങ്ങളെയും മുന്നിര്ത്തിയാണ് കൃതി തയ്യാറാക്കിയിരിക്കുന്നത് എന്നത് ഇതിന്റെ പഠനാര്ഹമായ മൂല്യം വര്ധിപ്പിക്കുന്നു.
ആധുനിക കാലഘട്ടത്തില് ഡിജിറ്റല് ലോകത്തെ വിശുദ്ധിയിലേക്ക് നയിച്ച വാഴ്ത്തപ്പെട്ട കാര്ലോ അക്യുട്ടിസിന്റെ മാതൃകയാണ് പുസ്തകം മുന്നോട്ടുവെയ്ക്കുന്നത്. സാങ്കേതിക വിദ്യയെയും നവ മാധ്യമങ്ങളെയും നന്മയുടെ വിത്തുകള് വിതറാനുള്ള മാധ്യമമാക്കി മാറ്റാന് ഓരോ വായനക്കാരനെയും ഈ ഗ്രന്ഥം ആഹ്വാനം ചെയ്യുന്നു. ഗൗരവമേറിയ ചിന്തകളെ വളരെ ലളിതമായ ഭാഷയില് അവതരിപ്പിച്ചിരിക്കുന്നു എന്നത് പുസ്തകത്തിന്റെ വായനാസുഖം കൂട്ടുന്നു.
സഭാ നേതൃത്വത്തിന്റെ വാക്കുകളില്
മേജര് ആര്ച്ച് ബിഷപ്പ് മാര് റാഫേല് തട്ടിലിന്റെ മംഗളാശംസകളോടെയാണ് രചയിതാക്കള് ഈ പുസ്തകം വായനക്കാര്ക്കായി സമര്പ്പിക്കുന്നത്. സഭയിലെ പ്രമുഖ വ്യക്തിത്വങ്ങളുടെ വാക്കുകള് ഈ കൃതിയുടെ പ്രസക്തിയെയും കാലിക പ്രാധാന്യത്തെയും അടിവരയിടുന്നു:
'ആസ്വാദ്യതയ്ക്കും വിനോദത്തിനുമപ്പുറം വ്യക്തി ജീവിതത്തെ സ്വാധീനിക്കാനും സമൂഹത്തില് ക്രിയാത്മകമായ മാറ്റങ്ങള് കൊണ്ടുവരാനും സിനിമയ്ക്ക് സാധിക്കുമെന്ന് ഈ കൃതി വായനക്കാരെ ബോധ്യപ്പെടുത്തുന്നു.'- ആര്ച്ച് ബിഷപ് മാര് തോമസ് തറയില്
'സിനിമയിലൂടെ സുവിശേഷവല്ക്കരണം എങ്ങനെ സാധ്യമാക്കാം എന്ന് വ്യക്തമാക്കുന്ന ഈ പുസ്തകം ഏറെ അഭിനന്ദനാര്ഹമാണ്.'- കര്ദിനാള് മാര് ജോര്ജ് കൂവക്കാട്ട്
'മനുഷ്യ മനസുകള് അസ്വസ്ഥമായ ഈ ലോകത്തില് ഈ ചെറിയ ഗ്രന്ഥം ഒരിളംതെന്നലായി ഒഴുകിവരുന്നു. അന്ധകാരത്തില് ഇതൊരു പ്രകാശ ജ്വാലയാണ്.'- ഫാ. ജോസഫ് പുത്തന്പുരയ്ക്കല്
തലമുറകള്ക്കൊരു വഴികാട്ടി
നിരവധി മികച്ച ഗ്രന്ഥങ്ങള് ക്രൈസ്തവ ജനതയ്ക്ക് സമ്മാനിച്ച തങ്കച്ചന് തുണ്ടിയിലിന്റെയും ഡോ. ലിസി കെ. ഫെര്ണാണ്ടസിന്റെയും തൂലികയില് നിന്ന് പിറന്ന ഈ കൃതി സിനിമയെ സ്നേഹിക്കുന്നവര്ക്കും വരുംതലമുറയ്ക്കും ഒരുപോലെ വഴികാട്ടിയാണ്.
സിനിമയുടെ ജനപ്രീതിയെയും സ്വാധീനത്തെയും ക്രിയാത്മകമായും ആത്മീയമായും എങ്ങനെ ഉപയോഗിക്കാം എന്ന് ചിന്തിക്കുന്നവര് തീര്ച്ചയായും വായിച്ചിരിക്കേണ്ട ഒന്നാണ് 'സിനിമ സാധ്യതകളുടെ ലോകം'. ദൃശ്യ മാധ്യമങ്ങളുടെ അതിപ്രസരമുള്ള ഈ കാലഘട്ടത്തില്, നന്മയുടെ പ്രകാശം പരത്താന് ഈ കൊച്ചു പുസ്തകം വായനക്കാരെ പ്രാപ്തരാക്കുമെന്നതില് സംശയമില്ല.
വാർത്തകൾക്ക് 📺 പിന്നിലെ സത്യമറിയാനും വേഗത്തിൽ⌚ അറിയാനും ഞങ്ങളുടെ വാട്ട്സാപ്പ് ചാനലിൽ അംഗമാകൂ 📲
https://whatsapp.com/channel/0029VaAscUeA89MdGiBAUc26
ഇവിടെ കൊടുക്കുന്ന അഭിപ്രായങ്ങള് സീ ന്യൂസ് ലൈവിന്റെത് അല്ല. അവഹേളനപരവും വ്യക്തിപരമായ അധിക്ഷേപങ്ങളും അശ്ളീല പദപ്രയോഗങ്ങളും ദയവായി ഒഴിവാക്കുക.